«Alatau-Aqparat» медиахолдингінің фототілшісі, ҚР Журналистер Одағының мүшесі Самат Құсайыновтың «Ұлы даланың салт-дәстүрлері» /Türk Yurtlarında Büyük Bozkırın Kültürü/ атты фотокөрмесі кеше Анкарада өтті. Іс-шараны ТҮРКСОЙ халықаралық ұйымы мен «Alatau-Aqparat» медиахолдингі бірлесіп өткізді.
Бүгін Саматтың фотокөрмесі Ыстамбұлда түрік журналистикасы ұстаханасының бірі саналатын Бахчелиевлер Айдын Доған кәсіби және Анадолу техникалық лицейі оқу орнында өтеді.
Аталған оқу орнымен “Alatau-Aqparat” медиахолдингі арасында ынтымақтастық меморандумы бекітілген. Биыл Айдын Доған оқу орнында журналистика бойынша білім алып жатқан үш студент Алматыға келіп, “Alatau-Aqparat” медиахолдингте үш ай іс-тәжірибеден өтті.