Алматы қаласының спорт басқармасы жанкүйерлерден кезек пен кептеліс болдырмау үшін Қазақстан мен Норвегия құрамалары арасындағы футбол матчының алдында Орталық стадионға ертерек келуді сұрайды, деп хабарлайды aqshamnews.kz.
УЕФА Ұлттар лигасының матчы 6 қыркүйек күні сағат 19:00-де Алматыдағы Орталық стадионда өтеді. Стадионның кіреберісінде кезек пен кептеліс болмауы үшін жанкүйерлерден матч басталғанға дейін 2 сағат бұрын стадионға келулерін өтінеміз.
Спекуляциялардың алдын алу мақсатында билеттер ойын күні матч басталғанға дейін 2 сағат бұрын сатып алу кезінде көрсетілген e-mail-ге жіберілетінін еске саламыз.
Сондай-ақ, түсініспеушіліктерді болдырмау үшін билеттерді үшінші тұлғалардан сатып алмауларыңызды сұраймыз.