Жол жөндеу жұмыстары 14 тамызда басталған.
Алматы қаласындағы Төле би көшесінің Байтұрсынов көшесінен Яссауи көшесіне дейінгі бөлігінде 25 қыркүйекке дейін көлік қозғалысы уақытша шектеледі, деп хабарлайды Almaty-akshamy.kz
«Жол жөндеу жұмыстарына байланысты 14 тамыз бен 25 қыркүйек аралығында Төле би көшесіндегі жол учаскесінде автокөліктердің қозғалысы жартылай жабылады. Байтұрсынов көшесінен Яссауи көшесіне дейін. Уақытша қолайсыздықтар үшін кешірім сұраймыз», - делінген қалалық ұтқырлық департаментінің хабарламасында.