Ел тұрғындары көп ұйықтайды.
Ұлттық статистика бюросының мәліметіне сүйенсек, қазақстандықтар ұйқыға орта есеппен 9 сағат 26 минутын арнайды. Бұл көрсеткіш ғалымдар ұсынған 7–8 сағаттық қалыпты ұйқы мөлшерінен жоғары.
Жалпы, ел тұрғындары күнделікті уақыттың 54,2 пайызын – яғни шамамен 13 сағатын – жеке күтімге жұмсайды. Оның ішінде:
• Ұйқыға – 9 сағат 26 минут
• Тамақтануға – 1 сағат 57 минут
Зерттеу 10 жастан асқан 11 914 адам арасында жүргізілген. Айта кетейік, мұндай талдау елімізде әр алты жыл сайын өткізіледі.
Нәзік жандылар жұмысқа азырақ уақыт жұмсайды
Статистика тағы бір қызық деректі көрсетіп отыр:
• Ер адамдар жұмысқа күніне 9 сағат 7 минут арнайды
• Әйелдер – 7 сағат 57 минут
Мамандар ұйқының артық болуы кей жағдайда шаршау мен өнімсіз күн тәртібінің белгісі болуы мүмкін екенін айтады. Алайда мұндай нәтижелер халықтың жалпы өмір салтын да айқындайды.
Еске сала кетейік, бұған дейін ұйқысыздықтың пайдасы жайлы жазған болатынбыз.