Қазақстан мен Қырғызстан шекарасына жақын маңда жер сілкінді, - деп хабарлайды Аqshamnews.kz тілшісі.
Қазақстан ТЖМ мәліметінше, жер сілкінісін "Ұлттық сейсмологиялық бақылау және зерттеу ғылыми орталығы" ЖШС сейсмикалық станциялар желісі 16 шілде күні Астана уақытымен сағат 06:27-де тіркеген. Жер сілкінісінің эпицентрі Қырғызстан аумағында, Алматы қаласынан 379 шақырым оңтүстік-батысқа қарай орналасқан.
Қазақстан аумағында жерасты дүмпулері сезілмегені атап өтілді.
Қырғызстан Ұлттық ғылым академиясының Сейсмология институтының мәліметінше, жер сілкінісінің магнитудасы 4,1-ге тең болған.
Қырғызстанның елді мекендеріндегі дүмпу күші мынадай болды:
-
Калба, Атай Огонбаева, Қара-Суу, Көк-Қашат ауылдарында – 3,5 балл,
-
Козучак, Жон-Арык, Қызыл-Туу, Ақ-Жар, Ақ-Сай, Чат-Базар, Сасык-Бұлақ ауылдары мен Талас қаласында – 3 балл.