"Қайрат" футбол клубы Чемпиондар лигасына арналған билеттер туралы ресми ақпаратты жариялады, деп хабарлайды Аqshamnews.kz тілшісі.
Билеттер сатылымы қашан ашылады?
"Қайрат" футбол клубы УЕФА Чемпиондар лигасының жалпы кезеңіндегі өз алаңындағы ойындарға билеттер сату тәртібі мен мерзімін жариялады. Мадридтік "Реалға" қарсы матчқа билеттер 23 қыркүйекте сағат 17:00-де сатылымға шығарылады.
Сондай-ақ, "Қайрат" ФК жариялаған жазбада жанкүйерлер бір адамға тек 2 билеттен ғана сатып ала алатыны, ол үшін ЖСН немесе төлқұжат деректерін көрсету қажет болатыны атап өтілген. Стадионға кіреберісте құжаттар мен билеттер мұқият және қатаң тексерілетін болады.
Билет бағасы қаншадан?
Билеттердің бағасы 30 мыңнан 250 мың теңгеге дейін белгіленген. Клубтың атап өтуінше, бұл тарифтер УЕФА-мен келісілген және Чемпиондар лигасындағы өз алаңындағы басқа матчтар үшін де дәл осындай бағада сақталады.
Ал абонемент иегерлері алдын ала сатылымда қолайлы бағада сатып ала алады. Сондай-ақ, билеттердің бір бөлігі "Қайрат" ФК бапкерлері мен тәрбилеенушілеріне және ойыншыларына, параспортшыларға берілетіні атап өтілді.