Алматыда жекеменшік балаларды дамыту орталығында кішкентай бала көз жұмды, деп хабарлайды Almaty-akshamy.kz.
Алматы қалалық полиция департаменті қайғылы оқиғаның болғанын растады.
«ҚР Қылмыстық кодекстің 141-бабының 2-бөлігі «Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау, абайсызда кәмелетке толмаған баланың өлімі» дерегі бойынша тіркелді. Қылмыстық іс бойынша сараптама тағайындалған»,- деп хабарлады ведомстводан.
Қылмыстық істі Бостандық аудандық полиция бөлімінің қызметкерлері тергеп жатыр.
БАҚ беттерінде жарияланған ақпарат бойынша, баланың үстіне шкаф «құлап кеткен».