Футболдан 2024 жылғы Еуропа чемпионатының сегізінші ойын күні, бүгін үш ойын өтеді.
Ең алдымен 18:00–де Е тобында Словакия мен Украина ойнайды, деп хабарлайды аlmaty-akshamy.kz.
Кездесу Дюссельдорф қаласындағы «Меркур Шпиль-Арена» стадионында болады.
Екі құрама бұған дейін сегіз мәрте кездесті. Украина үш, Словакия екі мәрте жеңіске жетсе, қалғаны тең нәтижемен аяқталған.
Бұл топтағы Румыния мен Бельгия кездесуі 22 маусымда өткізіледі.
Сондай-ақ D тобындағы Польша мен Австрия кездесуі 22.00-ге белгіленген.
Қазірге дейін құрамалар он бір ойында кездесіп, бесеуінде Польша, төртеуінде Австрия басым түссе, қалғанында тең нәтиже тіркеліпті.
Кездесу Берлин қаласындағы «Олимпиаштадион» стадионында болады.
Аталған топтағы Нидерланд және Франция кездесуі 00.00-ге белгіленген.
Құрамалар қазірге дейін отыз екі мәрте кездесіп, он бірі Нидерланд, он жетісі Францияның басымдығымен аяқталса, қалған төрт ойында тең нәтиже көрсетіпті.
Ойын Лейпциг қаласындағы «Ред Булл-Арена — Центральштадион» стадионында өтеді.
Алғашқы турда Франция Австрияны 1:0, Нидерланд Польшаны 2:1 есебімен тізе бүктірді.
Көш басында үш ұпаймен Франция мен Нидерланд келеді. Ал Польша мен Австрияның еншісінде ұпай жоқ.
Ойындардың бәрі Qazsport телеарнасынан тікелей эфирде көрсетіледі.