Атырау облысының Мақат ауданында бір топ жігіт қызметтік міндетін атқарып жүрген полиция қызметкерлерін соққыға жыққан. Оқиға видеосы әлеуметтік желілерде тарады, – деп хабарлайды aqshamnews.kz тілшісі.
Өңірлік полиция департаменті баспасөз қызметінің мәліметінше, оқиға 3 сәуірде шамамен сағат 22:00-де болған.
Бір топ жігіт полиция қызметкерлеріне күш қолданған. Соның салдарынан екі полиция қызметкері зардап шеккен.
Посмотреть эту публикацию в Instagram
Публикация от АТЫРАУ | ҚАЗАҚСТАН | 06 🌷 (@atyrauoil.official)
Полиция департаментінің хабарлауынша, оқиғаға қатысқандар анықталып, оларға қатысты процестік шаралар қабылданған.
"Билік өкіліне қатысты күш қолдану дерегі бойынша қылмыстық іс тіркелді. Қазір билік өкіліне қорқыту немесе күш көрсету бабымен соталды тергеу жүргізіліп жатыр", — делінген ведомство хабарламасында.
Полиция қызметкерлері құқық қорғау органдары қызметкерлеріне қарсы жасалған кез келген заңсыз әрекет заңды өрескел бұзу екенін және ол үшін заңнамаға сәйкес жауапкершілік қарастырылғанын атап өтті.