5 күнге созылған 500 шақырымдық жорықта мәре сызығына Қабардин-Балқар командасы (уақыт: 27:58:23) бірінші болып жетті, деп хабарлайды aqshamnews.kz. Оның артынша Алматы қаласының құрамасы (уақыт: 28:04:40) келді, ал үшінші орынға Ақтөбе облысының командасы (уақыт: 28:26:57) тұрақтады. Төртінші орын Жетісу облысының спортшыларына (уақыт: 29:39:20), ал бесінші орын Маңғыстау облысының (29:43:40) қыздардан құралған командасына бұйырды.
Еске салсақ, «JORYQ» республикалық федерациясы ҚР Ұлттық спорт түрлері қауымдастығының құрамына кіреді. Сондай-ақ қауымдастық құрамында бәйге, көкпар, аударыспақ, садақ ату, жамбы ату, теңге ілу, құсбегілік, асық ату және т.б. федерациялар бар. Ал ҚР Ұлттық спорт түрлері қауымдастығын Исламбек Салжанов басқарады.