Алматы қаласы спорт басқармасының басшысы Рүстем Байсейітов Өңірлік коммуникациялар қызметі алаңында сөйлеген сөзінде мегаполис "Altyn Samgay-2021" сыйлығында «Үздік спорт өңірі» номинациясын алғанын хабарлады.
Бұл спорттық инфрақұрылымды дамытудың арқасында мүмкін болды. Өңірде қадамдық жақындықтағы спорт нысандары, көп функционалды кешендер мен ашық спорт алаңдары белсенді салынуда.
Бұдан басқа, жоғары жетістіктер спортын дамыту бағытында 78 спорт түрі бойынша 13 мыңнан астам спортшы үшін қала және республика құрама командаларына спорт резервін дайындау жүргізілуде. Ал 1 қыркүйектен бастап спорт басқармасының жанынан 50 орындық спорт колледжі ашылды. Енді қала орта арнайы дене шынықтыру білімі бар мамандарды даярлайды (мамандығы – спорт жаттықтырушысы, оқытушы).
«Штаттық командалардағы спортшылар саны бойынша Алматы өңірлері бойынша - қысқы және жазғы спорт түрлері бойынша көшбасшы. Біздің құрама командалар кешенді республикалық жарыстардың, Қазақстан халықтарының жазғы және қысқы жастар ойындарының чемпиондары болып табылады», - деп атап өтті Рүстем Байсейітов.
Ол қаланың спорт мектептерінде 855 жаттықтырушы-оқытушы жұмыс істейтіндігі туралы мәліметтерді келтірді. Оның ішінде 594 штаттық жаттықтырушының 166-сы жоғары санатқа, 104-і бірінші санатқа және 11-і екінші санатқа ие.
Республика ұлттық құрамасының тізімдік құрамына 906 спортшы кіреді. Оның ішінде негізгі құрамда 135 спортшы, жастар құрамында 375, жасөспірімдер құрамында 396 спортшы бар.
Рүстем Байсейітов ҚР Президентінің мұғалімдердің жалақысын 25%-ға арттыру туралы тапсырмасын орындау аясында 2020 жылы республикалық бюджеттен 257,9 млн теңге, 2021 жылы 50%-ға арттыруға 578,9 млн теңге бөлінгенін хабарлады. Спорт саласында 809 маман қосымша ақы алды.
Алматы қаласының штаттық командаларына 108 спортшы кіреді, оларға ай сайын 180 мың теңгеге дейін ақша төленеді.