Қазақстанда өзінің нақты табысын жасырып, алимент төлемей жүрген азаматтарға қатысты мәселе шешімін тапты. Әділет министрлігі «Smart Data Ukimet» платформасында жалақы мөлшерін төмендеткен деректерді анықтайтын аналитикалық кейсті іске асырды. Бұл туралы ОКҚ алаңында ҚР әділет вице-министрі Бекболат Молдабеков мәлімдеді.
Әділет министрлігі үлкен деректерді зерттеу арқылы ең төменгі жалақы мөлшерін көрсетіп, алимент төлемей жүрген азаматтарды анықтауға мүмкіндік алды. Бұл мәселені толығымен жою үшін министрлік МКК-мен бірлесіп жұмыс жүргізуді жоспарлап отыр.
Келесі жоба - «ЖСО-робот». Бұрын, егер азамат Сергек камерасына түсіп, тағайындалған айыппұлды 50 күн ішінде төлемеген болса, онда бұл іс жеке сот орындаушыларына берілетін. Қызметкер шотты шектеп, айыппұлдың 25%-н 10 АЕК-ке дейінгі сомасын өндіріп алатын. Енді азаматтар жыл сайын осы роботтың арқасында 2,2 млрд теңге үнемдейді. Егер азамат төлемді 50 күннен кешіктірсе, қосымша SMS, Push-хабарламаларды банктердің қосымшалары арқылы жіберу жоспарланған, бұл қаржы өндірмеу үшін жасалады.
Тағы бір жаңалық – азаматтарға құқықтық қолдау «Е-заң көмегі» жүйесі арқылы көрсетілетін болады. 1 шілдеден бастап бұл жүйе бейнеконференция режимінде жұмыс істейді.
«Заң кеңесшісі немесе адвокат сіз үшін әрдайым қолжетімді болады. Кез келген жағдайда оған қоңырау шалып, кеңес ала аласыз», - деп түсіндірді вице-министр.
«Е-заң көмегі» мобильді қосымшасында жасанды интеллектпен чат-бот енгізу жоспарлануда. Бұл азаматтарға 24/7 режимінде құқықтық сұрақтарға жауап алуға мүмкіндік береді.