Алматыда бірнеше жыл бойы жұмыс істемей тұрған «Индустриялық аймақ» сорғы станциясы қалпына келтіріліп, техникалық тұрғыда іске қосылды, – деп хабарлайды aqshamnews.kz тілшісі.
Нысан Алатау ауданының батыс бөлігіндегі сумен жабдықтау жүйесінің қуатын арттырып, жаз мезгілінде су тұтыну көлемі артатын аумақтарда қажетті қуат резервін қалыптастырады. Бұл туралы қалалық Энергетика және сумен жабдықтау басқармасының өкілдері хабарлады.
Станция шамамен 30 мың тұрғынды, сондай-ақ өнеркәсіптік нысандарды сумен қамтамасыз етуге есептелген. Оның қосымша қуаты Наурызбай ауданының солтүстік бөлігі мен Алатау ауданының оңтүстік-батысында тұратын 100 мыңнан астам тұрғынды сумен тұрақты қамтамасыз етуге мүмкіндік береді.
Станцияны іске қосу алдында кешенді қалпына келтіру жұмыстары жүргізілді. Нысан ұзақ уақыт бойы пайдаланылмағандықтан, техникалық аудит өткізіліп, жабдықтар мен кабель желілері қалпына келтірілді, сондай-ақ негізгі инженерлік жүйелер қалпына келтірілді.
Мамандар электрмен жабдықтау жүйесін, басқару шкафтары мен трансформаторлық жабдықтарды қалпына келтіріп, сорғы агрегаттарын тексеріп, жөндеді. Бұдан бөлек, жаңа кабель желісі тартылып, іске қосу-баптау жұмыстары орындалды.
Нысанды қалпына келтіру жұмыстарын Алматының Энергетика және сумен жабдықтау басқармасы «Алматы Су» МКК-мен және мердігер ұйымдармен бірлесіп, демеушілердің қолдауымен жүргізді. Көрсетілген әлеуметтік көмек аясында станция үшін 2,4 шақырым күштік кабель сатып алынды.
Станцияның қайта іске қосылуы сумен жабдықтау жүйесінде қосымша қуат резервін қалыптастырады. Бұл әсіресе суға сұраныс айтарлықтай өсетін жазғы кезеңде тұрғындарды тұрақты сумен қамтамасыз ету үшін маңызды.