Шымкентте қаза тапқан Нұрай Серікбайдың ісінен кейін ол тірі кезінде берген арызын қабылдамаған полиция қызметкерлеріне қатысты қылмыстық іс қозғалды, деп хабарлайды Aqshamnews.kz тілшісі.
Бұл туралы Сенат кулуарында Ішкі істер министрінің орынбасары Санжар Әділов мәлімдеді. Оның айтуынша, мәжбүрлеп некеге тұрғызу дерегі бойынша дер кезінде әрекет етпеген тәртіп сақшыларына "селқостық" фактісімен қылмыстық іс тіркелген. Қазіргі таңда тергеуді ІІМ-нің Ішкі қауіпсіздік департаменті жүргізіп жатыр.
Еске салайық, Ұлттық құрылтайда Президент Қасым-Жомарт Тоқаев аталған істі сынға алғаннан кейін Шымкент қалалық полиция департаментінің басшысы мен оның бірінші орынбасары қызметтен кеткен еді.