Алматы маңындағы Түрксіб ауданында орналасқан «Алатау» базасында төтенше жағдайларға дайындалу мақсатында арнайы шатырлы лагерь ашу жоспарлануда. Бұл туралы Төтенше жағдайлар министрі Шынғыс Әрінов мәлімдеді.
«Алатау базасының басты ерекшелігі – оның 173 гектар ашық аумағы бар. Бұл аймақ тектоникалық жарықтар мен қауіпті аймақтардан алыс, плато үстінде орналасқан. Жол қатынасы ыңғайлы, теміржол да жақын маңда орналасқан. Біз бұл жерде жаттығулар өткіземіз, сондай-ақ қажетті шатырлар қоры жеткілікті», – деп түсіндірді Әрінов.
Төтенше жағдайлар кезінде мемлекеттік материалдық резерв жүйесінде шатырлар, төсектер және рюкзактар сияқты қажетті заттар қарастырылған, бұл төтенше жағдайда аман қалуға қажетті автономды жағдай жасауға мүмкіндік береді.
«Бұл мәселе әлі толық шешілмесе де, біз зардап шеккендерге термобелье, жылы киімдер және басқа да қажетті қорғаныс құралдарын ұсынуды жоспарлап отырмыз. Әр 10 адамға бір медициналық жинақ беріледі, оның ішінде алғашқы медициналық көмек көрсетуге арналған құралдар бар. Сондай-ақ лагерьде шатырлар, ұйықтауға арналған қаптар, үш күнге арналған азық-түлік қоры болады», – деп толықтырды министр.
Бұл лагерь 50 мың адамға дейін орналастыруға болады. Сонымен қатар, Төтенше жағдайлар министрлігі Алматы маңында осындай бірнеше лагерь құруды жоспарлап отыр, бұл бір миллионға дейін тұрғынды қауіпсіздікпен қамтамасыз етуге бағытталған.