Қазақстан ұлттық құрамасы FIFA Series 2026 халықаралық жолдастық турниріне дайындықты бастап, кеңейтілген тізімді жариялады.
Турнир 25-28 наурыз аралығында Астанадағы «Астана Арена» стадионында өтеді. Алғашқы матчта Қазақстан құрамасы Комор аралдарына қарсы ойнайды, екінші ойында Кувейт немесе Намибия құрамасының жеңімпазымен кездеседі, – деп хабарлайды aqshamnews.kz тілшісі kaz.inform.kz-ке cілтеме жасап.
Ұлттық құраманың кеңейтілген тізіміне 50 футболшы кірді, ал турнирге 26 ойыншы тіркеледі. Тізім келесідей:
Қақпашылар:
Темірлан Анарбеков («Қайрат»), Мұхаммеджан Сейсен («Астана»), Александр Заруцкий («Ақтөбе»), Бекхан Шайзада («Ордабасы»).
Қорғаушылар:
Сергей Малый, Сұлтанбек Астанов (екеуі де – «Ордабасы»), Александр Мрынский, Александр Широбоков, Еркін Тапалов (бәрі – «Қайрат»), Нұралы Әліп («Зенит», Ресей), Ян Вороговский, Әлібек Қасым (екеуі де – «Астана»), Әділбек Жұмаханов, Арсен Әшірбек (екеуі де – «Елімай»), Наурызбек Жагоров, Мейрамбек Қалмырза (екеуі де – «Тобыл»), Әділет Кеңесбек, Сағи Совет (екеуі де – «Қайсар»), Дінмұхаммед Қашкен («Жетісу»), Санжар Сатанов («Атырау»), Сағадат Тұрсынбай («Жеңіс»), Бағдат Қайыров («Ақтөбе»), Амандық Нәбиханов («Каспий»).
Жартылай қорғаушылар:
Рамазан Оразов, Жан-Әли Пайруз, Алмас Төлібай (бәрі – «Елімай»), Әділет Садыбеков, Дамир Қасабулат (екеуі де – «Қайрат»), Айбол Әбікен, Ерсұлтан Қалдыбеков (екеуі де – «Қайсар»), Зикрилло Сұлтаниязов («Ордабасы»), Дамир Марат, Александр Зуев (екеуі де – «Тобыл»), Исламбек Қуат («Жеңіс»), Дінмұхаммед Караман («Астана»), Георгий Жуков («Ақтөбе»).
Шабуылшылар:
Дастан Сәтпаев, Рамазан Бағдат (екеуі де – «Қайрат»), Ғалымжан Кенжебек, Максим Самородов (екеуі де – «Ахмат», Ресей), Ислам Чесноков («Хартс», Шотландия), Жаслан Жұмашев, Дәурен Жұмат (екеуі де – «Тобыл»), Эльхан Астанов («Ордабасы»), Рамазан Кәрімов («Астана»), Иван Свиридов, Айбар Жақсылықов (екеуі де – «Елімай»), Оралхан Өміртаев («Оқжетпес»), Артур Шушеначев («Ақтөбе»), Нұрдәулет Ағзамбаев («Қайсар»).
Оқу-жаттығу жиыны Қазақстан Премьер-лигасының үшінші турынан кейін Астанада басталады. FIFA Series 2026 турнирінде Қазақстан құрамасы екі матч өткізеді: 25 наурыз күні 15:00-де «Астана Аренада» Комор аралдарына қарсы, ал 28 наурызда алғашқы ойындағы нәтижеге байланысты Кувейт немесе Намибия құрамасының жеңімпазымен кездеседі.