Алматыда әскери-патриоттық тәрбие мәселелеріне арналған республикалық семинар өтті
2026 жылғы 25 ақпанда Алматыда «Алғашқы әскери және технологиялық дайындық пәнінің мазмұны мен патриоттық тәрбие басымдылығы» тақырыбында республикалық семинар-практикум өтті. Іс-шара педагогтердің кәсіби құзыреттілігін арттыруға, әскери-патриоттық тәрбиенің жүйелі дамуына және өңіраралық тәжірибе алмасуға бағытталды. Семинар барысында алғашқы әскери дайындық, патриоттық тәрбие беру әдістемелері, жас ұрпақта отансүйгіштік пен азаматтық жауапкершілікті қалыптастыру жолдары талқыланды, практикалық шеберлік сағаттары өткізілді.