Жиырмадан астам жаңа камера жылдамдық асырғандарды түсіріп, олар туралы ақпарат жібере бастады, деп хабарлайды аlmaty-akshamy.kz.
20 мамырдан бастап мына жолдарда 21 «Zerek-2» аппараттық-бағдарламалық кешені штаттық режимде жұмыс істейді: Павлодар — Қалбатау,
Бейнеу — Ақжігіт,
Орал — Самара,
Павлодар — Омск,
Орал — Саратов.
Камера жылдамдық асырған жүргізуші туралы ақпаратты әкімшілік іс жүргізудің бірыңғай тізіліміне жібереді. Бір жыл бұрын дәл осындай бейнебақылау жүйесі Шымкент — Қызылорда, Шымкент — Өзбекстан шекарасы, Шымкент — Тараз, Тараз — Қайнар, Қонаев — Талдықорған және Астана — Павлодар тас жолдарында жұмыс істей бастады. Мәжілісмендер полицияға көліктің орташа жылдамдығын анықтауға мүмкіндік беретін заңнамалық түзетулер жобасын екінші оқылымда қабылдады.