Профилдегі фотосуретті скриншоттауға шектеу қойылған.
Қосымшаны пайдаланған азаматтар оны жаңартқан кезде жаңа қорғаныс шарасы пайда болғанын байқаған, деп хабарлайды aqshamnews.kz
WhatsApp мессенджері қолданушылардың құпиялылығы мен қауіпсіздігін жақсарту үшін жаңа мүмкіндікті іске қосты.
Яғни, кез келген адамның профилдегі фотосуретін скриншоттауға шектеу қойылған. Скрин алып үлгеруге тырыссаңыз да, WhatsApp бұл мүмкіндікті автоматты түрде бұғаттайды. Экранда белгіленген шектеулерге байланысты әрекетті орындау мүмкін емес екені хабарланады.
Экранды видеоға жазып алуға да тыйым салынған.
Жаңа функция пайдаланушылардың жеке деректерін қорғауды күшейтуге бағытталған. Әзірлеушілер профильдік фотосуреттерді үшінші тараптардың жүктеп алуына және таратуына жол бермеуге тырысады.