Медеу ауданының №109 бөбекжай-балабақша ұжымы «Наурыз мейрамын» ерекше атап өтті. Бұл күні ұлттық мерекемен қоса, ұлттық құндылықтар да ұлықталды. «AMANAT» партиясының «Ұлттық мұра» партиялық жобасы, Медеу ауданы мектепке дейінгі тәрбие мен оқыту бөлімі, Алматы қаласының мектепке дейінгі тәрбие мен оқытудың ресурстық орталығы бірлесіп, «Біртұтас тәрбие» бағдарламасы негізінде мектебі» жобасы мектебі» жобасы үлкен шара ұйымдастырды.
«Әкелер мектебі» жобасы аясында өткен «Ұрпақ – ұлттық ойынмен шыңдалады» деп аталатын отбасылық жарыста ата-аналар мен балабақша бүлдіршіндері қазақ халқының ұлттық ойын түрлерін жаңғыртты. Шараны ұйымдастырушылардың айтуынша, аталмыш жарысты ұйымдастырудағы басты мақсат - қазақ халқының ұлттық ойын түрлерін насихаттап, оны балабақша бүлдіршіндерінің бойына сіңіріп, ер балалардың тәрбиесіне әкелердің барынша көңіл бөлуіне ықпал ету. Жас ұрпақ санасына сергектік сыйлап, ұлы дала ұрпақтарына тән өжеттік, мергендік, күштілік, әділдік сияқты қасиеттерді дамытуды көздеген жарыстың тағы бір көздегені намысты, батыл, рухы мықты ұлдарды тәрбиелеуге қоғамның назарын аудару. Осынау маңызды да мағыналы сайысқа «Тұлпар» және «Алтын бүркіт» мектепке даярлық тобының бүлдіршіндері мен олардың әкелері қатысып, «Асық ату», «Қой көтеру», «Бұқа тартыс», «Арқан тартыс»,«Садақ ату» сынды ұлттық ойын түрлерінің көрігін қыздырды.
Аталмыш спорттық сайысты құрамында «AMANAT» партиясының Медеу аудандық филиалы кеңесшісі Ахмет Болатұлы, Медеу ауданының мектепке дейінгі тәрбие мен оқыту білім бөлімінің маманы Әлия Омарова, «№106 бөбекжай-балабақша» меңгерушісі Гүлнар Әскербекқызы, №114 бөбекжай-балабақша меңгерушісі Жеңіскүл Сыбанова сынды әділқазылар алқасы қатысушылардың өнерін бағалап, жеңімпаздарды анықтады. Жарыс соңында әкелер мен балалардың ойынын жоғары бағаланып, оларға Алғыс хат пен сыйлық табыс етілді.
Тақырыпқа орай:
Орынбасар Құрмамбаева, №109 бөбекжай-балабақша меңгерушісі:
-Отбасының да, балабақшаның да мақсат-мүддесі біреу - ол бала тәрбиесі. Халқымызда «жұмыла көтерген жүк жеңіл» деген жақсы сөз бар. Демек, отбасы мен балабақша ынтымақтаса жұмыс істесе, халқының дәстүрін сыйлайтын тәрбиелі, ұлтжанды ұрпақ қалыптасады. Міне, балабақша ата-аналарының бүгінгі жарысқа белсене ат салысып, балаларымен біргеқатысып жатқаны да соның айғағы