Үндістанның Батыс Бенгалия штатының Джарграм ауданындағы бірнеше ауылында жабайы пілдер жұртшылықтың үрейін қашырды. Жабайы тіршілік иелері үш күн бойы шабуылдап, төрт адамды мерт қылған, деп хабарлайды Аlmaty-akshamy.kz Tengritravel.kz-ке сілтеме жасап,
Басылым мәліметінше, құрбан болғандардың біріншісі Санкрайл кварталының Джиту Хембрам есімді азамат болған. Ер адам пілдердің шабуылынан ауруханада қайтыс болды. Келесі күні Наяграм кварталында піл Дамаянти Махато есімді 24 жастағы қызға шабуыл жасаған. Алған жарақатынан ол да қайтыс болды.
Сол күні кешкі уақытта егде жастағы әйелдің қайтыс болғаны белгілі болды. 65 жастағы Намита Махато ызаланған пілдер оған шабуыл жасаған кезде үйінің кіреберісінде тұрған. Ол да оқиға орнында қайтыс болды. Осы жантүршігерлік оқиғаның куәгері болған көршісі ештеңе істей алмағанын айтады.
India Times мәліметінше, 28 наурыздағы ақпарат бойынша пілдердің шабуылынан қаза тапқандар саны 9 адамға жеткен.
Осыған ұқсас бірқатар өлім оқиғалары жергілікті тұрғындар арасында дүрбелең туғызды, олар құқық қорғау органдары мен орман шаруашылығы департаментінің шенеуніктерінің әрекетсіздігіне наразылықтарын білдіре бастады.