8000-нан астам қазақстандық Түркияда білім алуда.
Бұл туралы ақпаратты Ғылым және жоғары білім министрлігі жариялады, деп хабарлайды Almaty-akshamy.kz.
«ҚР Түркиядағы Елшілігінің ақпараты бойынша 8 000-нан астам ҚР азаматы Түркияның жоғары оқу орындарында оқиды, оның ішінде 11-і - «Болашақ» бағдарламасының стипендиаттары. Сондай-ақ Түркияда академиялық ұтқырлық шеңберінде оқитын қазақстандық жоғары оқу орындарының 190 студенті бар», - деп жазылған хабарламада.
ҚР Ғылым және жоғары білім министрлігі апатты жағдайда Қазақстан Республикасының азаматтары мен қандастарды шетелдік жоғары оқу орындарынан ауыстыруға болатынын хабарлайды. Қазіргі уақытта қазақстандық жоғары оқу орындары ел азаматтарын және қандастарды қабылдауға дайын.