Қасым-Жомарт Тоқаев Ильхам Әлиевті және әзірбайжан халқын ұлттық мерекесі – Тәуелсіздік күнімен құттықтады.
Мемлекет басшысы Әзірбайжан Президентіне құттықтау жеделхатын жолдады, деп хабарлайды Almaty-akshamy.kz
«Әзірбайжанның мемлекеттілігі мен халықаралық беделін нығайту ісіндегі таңқаларлық жетістіктері осы тарихи датаның мән-маңызын арттыра түседі. Қазақстан бауырлас Әзірбайжанның қол жеткізген табыстарына зор ықыласпен тілеулестік танытып, достық пен өзара қолдау рухындағы сан қырлы ынтымақтастықты тереңдетуге ерекше назар аударады. Қазақ-әзірбайжан стратегиялық серіктестігі мен одақтастығы туысқан халықтардың өсіп-өркендеуі жолында беки түсетініне сенімдімін»,-деп жазылған жеделхатта.
Қасым-Жомарт Тоқаев Ильхам Әлиевке жалпыұлттық көшбасшы ретінде табыс, ал бауырлас әзірбайжан халқына бейбітшілік, бақ-береке тіледі.