Демалыс күндеріне арналған валюта бағамы.
Ұлттық банкі 25-27 қараша аралығындағы шетел валюталарының ресми бағамын жариялады, деп хабарлайды Almaty-akshamy.kz
Кеше сауда-саттық ашылған сәттен бастап және күні бойы теңге барлық шетел валюталарына қатысты қайтадан әлсіреді. Ал демалыс күндері америкалық доллар 463,09 теңгеге бағаланды, бұл өткен аптадағыдан 0,3 теңгеге жоғары.
Еуро да айтарлықтай нығайды, алдағы үш күндегі бағам 504,86 теңгені құрап, өткен демалыстағыдан 2,69 теңгеге жоғары болды.
Ресей валютасын 5,21 теңгеге сатып алуға болады. Мұнда өткен аптадан бері өсім 0,01 теңге болды, өйткені рубльдің өзі соңғы проблемалық айлармен салыстырғанда қазір айтарлықтай бірқалыпты. Валюта бағамы 2023 жылдың маусым айының аяғындағы деңгейге қайта оралды.
Ал юань бағамы – 64,73 теңге.
Бір күн бұрын ҚР Ұлттық банкі базалық мөлшерлемені +/– 1 пайыздық тармақ дәлізімен жылдық 15,75%-ға дейін тағы да төмендеткен болатын.