«Талибан» қозғалысы Өзбекстанның Ауғанстанда салатын темір жол құрылысына қолдау көрсетеді.
«Талибан» радикалды қозғалысы Ауғанстандағы «бейбіт процестегі» Өзбекстанның «сындарлы рөлі» туралы айтқан. Бұл туралы Өзбекстан Сыртқы істер министрлігінің ресми өкілі Юсуп Кабулжанов өзінің Telegram-каналында жазды, деп хабарлайды Almaty-akshamy.kz Lenta.ru сілтеме жасап.
Юсуп Кабулжановтың айтуынша, бұған «Талибан» қозғалысының баспасөз хатшысы Мохаммад Сухейл Шахиннің Өзбекстан Тәуелсіздігінің 30 жылдығына орай құттықтауы дәлел бола алады.
Бұл құжатта талибтердің «Өзбекстанның қатысуымен Ауғанстандағы инфрақұрылымдық жобаларды іске асыруды жалғастыруға» қызығушылық танытып отырғаны жазылған, атап айтқанда - теміржол мен электр желілерінің құрылысы. Сонымен бірге Шахин Ауғанстанның қазіргі басшылығы «өзбек серіктестерінің» бастамаларына қолдау көрсетуге уәде берген.
Бұған дейін Өзбекстан президенті Шавкат Мирзиеев Ташкент пен «Талибан» қозғалысы арасында агрессияға жол бермейтін келісім бар екенін айтқан болатын. Шавкат Мирзиеев сондай -ақ содырлармен байланыс орнатудағы әрекеттері туралы айтып берді. Олармен «ешбір ел қарым-қатынас орнатпай тұрғанда, Өзбекстан Үкіметі «бейбітшілік пен тыныштық» үшін кез келген топтармен диалогқа баруға дайын екендігін айтқан.
15 тамызда «Талибан» содырлары Ауғанстанның бүкіл аумағын бақылауға алғанын хабарлаған болатын. Сонымен қатар радикалдар алдағы уақытта Ауғанстан жерінде Ислам Әмірлігін құру туралы жариялайтындарын айтқан.