Жоғары аудиторлық палатаның төрағасы Әлихан Смайылов субсидияларды ұрлау жолдарын ашып көрсетті. Оның айтуынша, ең ірі заңбұзушылықтар бойынша материалдар тергеу органдарына жіберіледі, деп хабарлайды aqshamnews.kz
«Мысалы, оңтүстік өңірлерде және Ұлытау облысында 1 мыңға жуық адам кәсіпкерлік үшін 1,5 миллиард теңге субсидия алған. Алайда олар салық органдарында кәсіпкер ретінде тіркелмеген. Бұл дегеніміз, субсидиялар заңсыз алған тұлғаларға берілген», — деп атап өтті Смайылов.
Сондай-ақ, Түркістан облысында ауыл шаруашылығы саласында 15 субъектінің 225 миллион теңге көлемінде жалған инвестицияға субсидия алғаны белгілі болды. Бұл жағдайда жалған шот-фактуралар жасалған.
Абай облысында 2 кәсіпорын сатып алынбаған ауыл шаруашылығы техникасына 131 миллион теңге субсидия алған. Мұндай әрекеттер жалған ақпарат беру арқылы жасалған.
Әлихан Смайылов бұл жағдайлар бойынша жауапты басшылардың жауапкершілікке тартылып жатқанын айтты.