Қаза тапқан құтқарушының отбасына Қарағанды облысының басшылығы барып, көңіл айтты. Қаза тапқан өрт сөндірушінің отбасына барлық қажетті көмек пен қолдау көрсетілуде. Қазір қаралы үйде фельдшерлік және психологиялық көмек ұйымдастырылған.
6 қазанда Қарағанды облысында Қарқаралы ауданындағы дала өртін сөндіру барысында өз қызметтік міндетін атқару кезінде 24-өрт сөндіру бөлімінің аға өрт сөндіруші-құтқарушысы 1991 жылы туған Хали Хайрат қаза тапты.
Сержант азаматтық қорғау органдарында 2014 жылдан бастап жұмыс істеген.
Оқиғаның мән-жайы анықталуда. Сотқа дейінгі тергеу басталды.
Ведомствоның Апаттар медицинасы орталығының психологтары қайтыс болған қызметкердің туыстарына қажетті психологиялық көмек көрсетуде.
Қазақстан Республикасы Төтенше жағдайлар министрлігі өрт сөндірушінің туыстары мен жақындарына көңіл айтады!
ТЖМ қаза тапқан өрт сөндірушінің отбасына жан-жақты көмек пен қолдау көрсетеді.
Естеріңізге сала кетейік бұған дейін еліміздің екі аймағында өрт шыққанын хабарлаған болатынбыз.
