Жаңа жеңіл және коммерциялық автомобильдердің сатылымы алғашқы сегіз айдың қорытындысы бойынша 119,2 мың бірлікті құрап, өткен жылмен салыстырғанда 0,9%-ға төмендеген. Алайда, брендтер бойынша жағдай әртүрлі, деп хабарлайды aqshamnews.kz.
Дәстүрлі көшбасшылар Hyundai, Chevrolet және Kia нарықта сатылымы төмендеген:
• Hyundai көліктерінің сатылымы13,8%-ға азайып, 31,3 мың бірліктен 27 мыңға дейін төмендеді.
• Ең көп сатылатын Chevrolet көліктеріне елдің қызығушылығы төмендепті. Нақтырақ айтқанда сатылым 55,7%, 28,8 мыңнан 12,8 мыңға дейін азайған.
• Ал ел қызығатын Kia көлігінің сатылымы 7,8%-ға төмендеп, 15,1 мың автомобиль сатылған.
Міне, осылайша елдің назары бірден ауатын көшбастаушылардың сатылымы азайған кезде, Қытайдан келген автокөлік брендтеріне сұраныс арта түсіпті:
• Chery: 32,8%-ға өсіп, 9,3 мың бірлікті құрады.
• Jac: 88,9%-ға өсіп, 7,4 мың авто сатылды.
• Geely: 2,5 еседен астам өсім, 4,9 мың бірлікке дейін.
• Haval: 41,7%-ға өсіп, 6 мың бірлік сатылды.
• Jetour: 6 еседен астам өсіммен 5,8 мың бірлік сатылды.
• Changan: 44,2%-ға өсіп, 5,5 мың авто сатылды.
Сондай-ақ, Tank, Omoda, Yutong, және Jac Trucks брендтері де сатылымдардың оң көрсеткіштерін көрсеткен.
Қытай көліктері нарықты жаулап тұр
