19-ынан 20 ақпанға қараған түні Италияда өтіп жатқан Олимпиадада Қазақстан атынан мәнерлеп сырғанаушы Софья Самоделкина ғана өнер көрсетеді, – деп хабарлайды aqshamnews.kz тілшісі.
Қысқа бағдарламадан кейін 19 жастағы спортшы 12-орынға тұрақтады. Енді еркін бағдарламада жүлде үшін таласады. Спортшыға үздік үштікке кіру үшін 8 ұпай ғана жетпей тұр.
Бұған дейін сарапшылар Софьяның қысқа бағдарламадағы бағасы бұдан жоғары болуы мүмкін болғанын айтты. Олардың пікірінше, төрешілер ұпайды сәл төмен қойған.
Еркін бағдарламаның тікелей көрсетілімі Қазақстан уақытымен 23:00-де басталады. Софья үшінші жаттығу тобының алғашқысы болып мұзға шығады, шамамен 01:13-те.
Көрсетілімді Qazsport және Jibek Joly телеарналары тікелей эфирде ұсынады.