Ішкі істер министрлігі есірткінің заңсыз айналымына қарсы жүйелі жұмыс жүргізуде, деп хабарлайды aqshamnews.kz тілшісі.
Алматыда ұсталған күдікті
Алматыда полицейлер 56 жастағы жергілікті тұрғынды ұстады. Оның автокөлігі мен пәтерін тінту кезінде 220 грамнан астам кетамин психотроптық заты тәркіленді.
Шымкенттегі оқиға
Шымкентте полиция қызметкерлері 21 жастағы жергілікті тұрғынды ұстады. Оны жеке тінту кезінде салмағы жарты килограмм болатын синтетикалық есірткі тәркіленді. Жігіт оны қала аумағында өткізбек болған.
Павлодарда ұсталған әйел
Павлодарда полицейлер 32 жастағы әйелді ұстады. Оны жеке тінту кезінде бір жарым килограмға жуық a-PVP және шамамен 30 грамм мефедрон тәркіленді.
Күдіктінің әлеуметтік желі арқылы есірткі курьері жұмысын тауып, тыйым салынған заттарды өткізу үшін Алматыдан Павлодарға арнайы келгені анықталды.
Есірткі құқықбұзушылықтары
Қарашаның бірінші онкүндігінде барлығы 56 есірткі құқықбұзушылығы анықталды, оның 35-і қылмыс.
"10 күн ішінде 35 фигурант ұсталды, оның ішінде: 19 адам есірткі өткізу фактілері бойынша; 3 адам есірткіні аса ірі мөлшерде сақтағаны үшін; 8 адам контрабанда үшін; 3 адам улы заттардың заңсыз айналымы үшін; 1 адам есірткі өсіргені үшін; 1 адам есірткіні насихаттағаны және жарнамалағаны үшін.
Заңсыз айналымнан 200 килограмнан астам есірткі тәркіленді, оның ішінде 190 кг марихуана, шамамен 13 кг синтетика және 4 кг гашиш бар,- делінген хабарламада.
Оқи отырыңыз: 22 қарашаға арналған валюта бағамы