Мерзімді әскерге шақыруды кейінге қалдыру немесе одан босату туралы шешім Қазақстан заңнамасына сәйкес тек шақыру комиссиясы тарапынан қабылданады.
Медициналық құжаттарды қолдан жасау, жалған диагноздарды рәсімдеу және әскери қызметтен жалтарудың өзге де заңсыз тәсілдері үшін делдалға да, әскерге шақырылушы да қылмыстық жауапкершілікке тартылады.
“Ведомство азаматтарды күмәнді схемаларға қатыспауға және жергілікті әскери басқару органдары (әскери комиссариаттар) немесе медициналық комиссиялар арқылы "мәселені шешіп беруге" кепілдік береміз деп, азаматтарды жаңылыстыратын "әскери комиссариаттардың көмекшілерінің" айла-шарғыларына алданбауға шақырады”, – делінген хабарламада.