Алмалы ауданына қосымша 541 бейнекамера қойылады. Бұл туралы қала әкімі Е.Досаев Алмалы ауданының тұрғындарымен кездесуінде сөйлеген сөзінде мәлімдеді, деп хабарлайды Аlmaty-akshamy.kz.
Мамыр айында Байсейітов – Қабанбай батырда бағдаршам орнатылды, тағы 5-уі биыл 1 қазанға қарай аяқталады. Тұрғындардың сұранысы бойынша Мақатаев-Шагабутдинов көшелерінің қиылысындағы адамдар жүретін өткел абаттандырылды.
Қыркүйек айында аудан аумағында бейнебақылау камералары 541-ке көбейеді. Адамдар көп жиналатын орындарға (118 камера), аулаларға (200 камера) және қиылыстарға (223 камера) орнатылады. Нәтижесінде, желтоқсанға қарай камералардың саны 2 есеге (оның ішінде 1069 бірлікке) артады.