Италияның Монтесильвано қаласында шахматтан кадеттер арасында өткен Әлем чемпионаты аяқталды.
Қазақстандық Аланна Берікқызы 10 жасқа дейінгі санатта әлем чемпионы атанды, ал Марк Смирнов ұлдар арасында (U12) ең көп ұпай жинап, бас жүлдені жеңіп алды, деп хабарлайды aqshamnews.kz
Сонымен қатар, тағы бір отандасымыз Ханзада Аманжол 12 жасқа дейінгі санатта қосымша көрсеткіштер бойынша әлем чемпионатының екінші орнын иеленді.
Әлем чемпионатына 77 елдің ойыншылары қатысып, күрескен.
Жалпы командалық есепте Қазақстан командасы 1-орынды жеңіп алды. Қытай шахматшылары 2-ші орынға жайғасты, ал үздік үштікті Үндістан аяқтады.