Қазақстан құрамасы стенд атудан Азия чемпионатында алтын медаль жеңіп алды, деп хабарлайды Aqshamnews.kz тілшісі.
Ұлттық олимпиада комитетінің мәліметінше, Дохада (Қатар) өтіп жатқан құрлықтық біріншілікте қазақстандық спортшылар жүлделі орындардан көрінді.
Командалық «трап» жаттығуында Элеонора Ибрагимова, Анастасия Прилепина және Наргиза Сарманова үздік нәтиже көрсетіп, алтын медаль иеленді.
Жеке сын бойынша да отандастарымыз нәтижелі өнер көрсетті. «Трап» дисциплинасында Максим Бедарев пен Элеонора Ибрагимова күміс жүлдеге қол жеткізді.
Айта кетейік, бұған дейін қазақстандық мергендер «скит» жаттығуында екі алтын, бір күміс және үш қола медаль жеңіп алып, елдің жалпы медаль кестесіндегі көрсеткішін нығайтқан болатын.