Қазақстанның Еңбек және халықты әлеуметтік қорғау министрлігі елдегі зейнетақының орташа мөлшерін атады, – деп хабарлайды aqshamnews.kz тілшісі.
Ведомство мәліметінше, жыл басынан бері республикалық бюджеттен зейнетақы төлеуге 395,2 млн теңге жұмсалған. Оның ішінде 131,3 млн теңге базалық зейнетақыға, ал 263,9 млн теңге ынтымақты зейнетақыға бағытталған.
2026 жылғы 1 ақпандағы жағдай бойынша Қазақстандағы зейнеткерлер саны - 2 млн 538 мың адам.
Министрліктің хабарлауынша, 2026 жылғы 1 ақпанда жиынтық зейнетақының орташа мөлшері 157 843 теңге болған. Оның ішінде:
ынтымақты зейнетақы – 103 931 теңге,
базалық зейнетақы – 53 912 теңге.
Айта кетейік, 2026 жылғы 1 қаңтарда Қазақстандағы жиынтық зейнетақының орташа мөлшері 143 143 теңге болған. Оның ішінде:
ынтымақты зейнетақы – 95 549 теңге,
базалық зейнетақы – 47 594 теңге.