Сертификат алған коучтердің тізімі career.enbek.kz сайтына жарияланады, деп хабарлайды aqshamnews.kz
Қазақстанда коуч қызметінің кәсіптік стандарты бекіп, ол коучингтің 9 түрін қамтымақ. Олар: бизнес-коуч, мансаптық коуч, лайф-коуч, командалық коуч, көшбасшылық коуч, денсаулық және сауықтыру коучі, кәсіпкерлерге арналған коуч, білім беру коучі, спортқа дайындайтын коучтер.
Үкіметтің мәліметіне сүйенсек, Қазақстанда коммерциялық емес ұйым ретінде тіркелген ICF Kazakhstan коучинг федерациясы құрылған. Бұл ұйым ICF халықаралық коучинг федерациясымен бірге «Коучинг қызметі (коуч) туралы» кәсіби стандарты әзірленді.
«Қазір стандарт Ғылым және жоғары білім министрлігінде бекітілу сатысында», - деп жазған Олжас Бектенов.
Бұдан өзге «Психологиялық, психосоматикалық және коучингтік қызметтер туралы» заң қабылдау, лицензиялау және кәсіби тіркеу тетігін енгізу, «психолог», «психосоматик», «коуч», «ментор» атауларын тек тиісті білімі және кәсіби біліктілігі бар мамандарға ғана қолдануға құқық беру бағытында халықаралық тәжірибе зерделенген көрінеді.
«ICF халықаралық коучинг федерациясымен (ICF Kazakhstan, Қазақстанда коммерциялық емес ұйым ретінде тіркелген) бірге «Коучинг қызметі (коуч)» кәсіби стандарты әзірленді. Қазіргі таңда ол Ғылым және жоғары білім министрлігінде бекітілу сатысында. Кәсіптік стандарт 9 қызметті қамтиды: бизнес-коуч, мансаптық коуч, лайф-коуч, командалық коуч, көшбасшылық коуч, денсаулық және сауықтыру коучі, кәсіпкерлерге арналған коуч, білім беру коучі, спорттық дайындық коучі. Кәсіптік стандарттың негізінде Ұлттық біліктілік жүйесінің цифрлық платформасында (career.enbek.kz) сертификатталған коуч-жаттықтырушылар тізілімі жасақталады», - деп хабарлайды Бектенов.
Бірақ, коучтарды оқытуды, сертификаттауды және тізілімге енгізу жұмысын ICF халықаралық коучинг федерациясы жүргізеді.