Мамандар егін жинау науқаны уақтылы бастағанын атап өтті.
Қазақстандағы дәнді және дәнді-бұршақты алқаптардың 49 %-дан астамы жиналды, деп хабарлайды Almaty-akshamy.kz.
Мамандардың айтуынша, егін жинау жұмыстарын жүргізу үшін республикада 141,7 мың трактор, 73,5 мың трактор тіркемесі, 36,9 мың астық жинайтын комбайн, 12,8 мың дестелегіш бар.
Егін жинау жұмыстарын уақытылы жүргізу үшін ауыл шаруашылығы тауарын өндірушілер 396,5 мың тонна жеңілдетілген дизель отыны бөлінді. Энергетика министрлігімен бірлесіп, облыс операторларын мұнай өңдейтін зауыттарға(МӨЗ) бекіту кестесі бекітілді. Осы жылдың 2 қыркүйегіндегі жағдай бойынша кестеге сәйкес шілде-қазан айларына жоспарланған 396,5 мың тоннаның 173,4 мың тоннасы (44%) тиеп-жөнелтілді.
«Ағымдағы жылы ауыл шаруашылығы дақылдарының жалпы егіс алаңы 23 млн га құрады (бұл 2020 жылмен салыстырғанда 322 мың га артық). Дәнді және дәнді-бұршақты дақылдар 16,1 млн га (оның ішінде бидай – 12,9 млн га), майлы дақылдар-3,1 млн га, көкөніс және картоп – 473,8 мың га, мақта-109,7 мың га, қант қызылшасы –21,7 мың га, жемшөп дақылдары-3,2 млн га алқапта орналастырылды»,– делінген Ауыл шаруашылығы министрлігінің баспасөз қызметінің хабарламасында.
Мамандар биыл егін жинау науқаны уақтылы басталғанын және республика бойынша барлығы 7,9 млн га дәнді және дәнді-бұршақты дақылдар немесе жалпы жинау алаңының 49,4% жиналғанын айтып отыр.