2024 жылғы 1 маусымдағы мәлімет бойынша Қазақстанда 5,5 миллион автокөлік тіркелген
Бұл өткен жылмен салыстырғанда 12,3%-ға артық. Олардың ішінде 4,8 миллион жеңіл автомобильдер, 540,8 мың жүк көліктері, 114,1 мың автобустар, деп хабарлайды aqshamnews.kz.
Қозғалтқыш көлемі 1500-ден 2000 куб. см. дейінгі автокөліктер саны 2,1 миллионды құрайды, 1500 куб. см. дейін — 913,3 мың, 2000-нан 2500 куб. см. дейін — 868,1 мың, 2500-ден 4000 куб. см. дейін — 775,7 мың, ал 4000 куб. см. астам — 541 мың.
4,5 миллион автокөлік бензинмен, 411,8 мың аралас отынмен, 390,3 мың дизельмен, 13,4 мың газбен, 10,3 мың электр қуатымен жүреді.
Жасы 20 жылдан асқан автокөліктер саны 2,5 миллионға жеткен (өткен жылмен салыстырғанда 4,9%-ға өскен), ал жасы 10-нан 20 жылға дейінгі автокөліктер саны — 1,3 миллион (бірден 17,9%-ға өскен). Жасы 3 жылға дейінгі жаңа автокөліктер саны небәрі 335,2 мыңды, 3-тен 7 жылға дейін — 670,2 мыңды, 7-ден 10 жылға дейін — 666,5 мыңды құраған.