Қазақстан құрамасы Данияда өткен EuroSkills чемпионатында бұрын-соңды болмаған нәтиже көрсетті – бірден 7 қатысушы «Үздік медальон» иеленді.
Чемпионатқа 32 елден 600 жас маман қатысты. Қазақстандық колледж студенттері 25 құзырет бойынша сынға түсті. Жеңімпаздар веб-технологиялар, мехатроника, графикалық дизайн, әкімшілендіру, инженерлік дизайн сынды салаларда жоғары нәтиже көрсетті.
«Бұл – техникалық білім беру жүйесінің жаңа деңгейге көтерілгенінің дәлелі. Жұмысшы мамандықтар жылы бұл жеңіс ерекше мәнге ие», – деп құттықтады Оқу-ағарту министрі Ғани Бейсембаев.
EuroSkills – Еуропадағы ең ірі кәсіби шеберлік чемпионаты. 2023 жылы Қазақстан 2 медальон иеленсе, биылғы нәтиже – рекордтық.