Бұл туралы ҚР Көлік министрлігінің баспасөз қызметі мәлім етті, деп хабарлайды aqshamnews.kz.
Чикаго конвенциясының 13-қосымшасына сәйкес, тергеу жүргізіп жатқан мемлекет борттық жазба құрылғылардың (қара жәшіктердің) деректерін оқу мен шифрын ашуды қамтамасыз етеді және бұл үшін елді таңдауды өзі шешеді.
Қазақстан бұл конвенцияны 1992 жылы ратификациялап, Халықаралық азаматтық авиация ұйымының (ИКАО) мүшесі болып табылады.
ИКАО ұсынымдары мен Әзірбайжан және Ресей авиациялық биліктерімен жүргізілген консультацияларды ескере отырып, ҚР Көлік министрі Марат Қарабаев басқаратын авиациялық оқиғаны тергеу комиссиясы борттық жазба құрылғыларды Бразилияның Авиациялық оқиғаларды зерттеу және алдын алу орталығына (CENIPA) жіберу туралы шешім қабылдады. Бұл орталық Embraer ұшағының өндіруші елі болып табылады.
CENIPA қара жәшіктердің деректерін оқу үшін қажетті техникалық мүмкіндіктерге ие, заманауи жабдықтармен және сертификатталған зертханамен қамтамасыз етілген.
Бұл мәселе Мемлекет басшысының жеке бақылауында.