Имам және исламтанушы Нұрлан Байжігітұлы әлеуметтік желілер арқылы қара жамылуға қарсы көзқарасын білдірді, деп хабарлайды almaty-akshamy.kz
Оның пайымдауынша, қара жамылу қазақ дінінде де, салтында да жоқ дәстүр.
Имам мұны ұлттық дәстүрлер мен құндылықтарға қайшы келетін әдет ретінде сипаттайды және қоғамды осындай көріністерге қарсы тұруға шақырады.
Ол Құдайға деген сенім мен тақуалықтың сыртқы көріністен гөрі, отбасына дұрыс тәрбие беру, адал жар болу және Отанға адалдық сияқты ішкі қасиеттер арқылы көрінетінін атап өтті.
Сонымен қатар, Нұрлан Байжігітұлы ұлттық аспаптарды харам деп санайтын көзқарастарға да жауап берді. Ол домбыра мен гитараның ешқандай діни кедергісіз, қазақтың мәдени мұрасы ретінде қабылдануы тиіс екенін айтады.
Имам домбыраның әрбір пернесінде қазақтың зары мен мұңы бар екенін, оның әрбір қазақ үшін қастерлі екенін атап өтті.
Ол әр шаңырақта балаларға домбыра тартуды үйретудің маңызды екенін нақтылады.