Энергетика министрлері тиісті келісімге қол қойды.
Қазақстан, Қырғызстан және Өзбекстан Қамбар ата су электр станциясын бірлесіп салады, деп хабарлайды Almaty-akshamy.kz
Қырғызстан аумағында жеке акционерлік қоғам құрылады: қатысу үлесі қырғыз тарапы 34%, қазақ тарапы 33%, өзбек тарапы 33% деңгейінде болады.
«Венада (Аустрия) Қырғызстанның Дүниежүзілік банкпен және Австрия үкіметімен бірлесіп ұйымдастырған Халықаралық энергетикалық инвестициялық форумы басталды. Форумның негізгі тақырыптарының бірі Қамбар ата ГЭС-1 құрылыс жобасы болды», - деп жазылған Энергетика министрлігінің баспасөз қызметі таратқан хабарламада.
Осы жобаны жүзеге асыруға арналған арнайы сессия аясында Қазақстанның энергетика министрі Алмасадам Сәтқалиев, Қырғыз Республикасының энергетика министрі Талайбек Ибраев және Өзбекстан энергетика министрі Журабек Мирзамахмудов Қамбар ата ГЭС-1 құрылыс және пайдалану жобасын дайындау бойынша ведомствоаралық келісімге қол қойды.