Алматыдағы Орталық стадионда өткен "Қайрат" пен Кипрлік "Пафос" арасындағы матчте жанкүйерлер өткен аптада көз жұмған жас футболшы Диас Төлеуді еске алды, - деп хабарлайды Aqshamnews.kz тілшісі.
Матч кезінде "Қайраттың" белсенді жанкүйерлері 19 жастағы марқұм футболшы Диас Төлеудің бейнесі бейнеленген үлкен баннер ілді. Баннер стадиондағы белсенді қолдау секторының алдыңғы қатарына орналастырылды. Бұл әрекет жиналған қауым мен көрермендерге ерекше әсер қалдырды.
Еске салайық, 16 қазанда "Хан-Тәңірі" футбол клубының ойыншысы, бұрын "Қайрат" сапында да ойнаған Диас Төлеу оқыс жағдайда көз жұмған еді. Қазақстан футбол федерациясы бұл қайғылы жағдайды растады. Оқиғаға байланысты арнайы комиссия құрылып, ресми тергеу басталған.
