«Бақытты және Қауіпсіз Балалық Шақ» жобасы аясында прокурорлар балаларға қатысты қауіп немесе зорлық-зомбылық фактілерін анықтау үшін 63 мыңнан астам отбасына барды, деп хабарлайды aqshamnews.kz.
Жұмыс нәтижелері:
• Қамқоршыларға, асырап алушыларға, ата-аналарға және басқа да тұлғаларға қатысты 93 сотқа дейінгі тергеп-тексеру басталды;
• 11 мың ата-ана мен заңды өкілдер бала тәрбиелеу міндеттерін тиісінше орындамағаны үшін әкімшілік жауапкершілікке тартылды;
• 342 бала аса ауыр жағдайға тап болғандықтан, қолайсыз отбасылардан мемлекет қамқорлығына алынды.
Тексерулердің нәтижесінде:
• 54 ата-ананың құқықтарын шектеу және 92 ата-ана құқығынан толық айыру туралы талап-арыздар берілді;
• 2 мыңнан астам отбасыға материалдық көмек көрсетілді (алғашқы көмек заттары, азық-түлік, оқу құралдар, көмір және басқалары);
• 1 мыңнан астам отбасыға тұрғын үй мәселесі бойынша қолдау көрсетілді;
• 10 мың отбасыға медициналық және әлеуметтік көмек ұсынылды;
• Балаларға 4,5 млрд теңге көлемінде алимент өндіріп алынды.
Прокурорлар қауіп-қатер аймағындағы 63 мың отбасыны аралады
