Өңір басшылығы инвестор таппай отыр
Биыл Павлодар облысында қант зауытының құрылысы басталуы қажет болатын. Алайда іске келгенде алғашқы кірпіші де қаланбағаны анықталды, деп хабарлайды Almaty-akshamy.kz «Хабар 24» телеарнасына сілтеме жасап.
Бұл туралы өңір басшысы Әбілқайыр Сқақов айтты. Әу баста осы жоба жергілікті ауыл шаруашылығын дамытуға серпін береді деп көзделді.
Жоспар бойынша жылына 900 мың тоннадан астам қант қызылшасын қайта өңдеп, 120 мың тоннаға дейін құмшекер өндіруге мүмкіндік туған еді. Бірақ кейін белгілі болғандай, облыс әкімдігі тың бастаманы қаржыландыратын инвестор таппаған.