Мемлекет басшысының тапсырмасы бойынша «Жайлы мектеп» ұлттық жобасы аясында Алмалы ауданында өткен жылдың соңында Райымбек даңғылының Әуезов көшесімен қиылысында 1,5 мың орынға мектеп құрылысы басталды.
Құрылыс-монтаж жұмыстарын 2024 жылдың соңында аяқтау жоспарлануда.
Биыл 2-тоқсанда №16 мектепке 300 орынға арналған және №58 мектепке 576 орынға арналған қосалқы жапсаржайлар салынады.
2023 жылғы қараша айынан бастап №136 мектеп-гимназияда күрделі жөндеу және сейсмикалық күшейту жұмыстары жүргізілуде, олар биыл қазан айында аяқталады. Сондай-ақ биыл 3-тоқсанда №134 және №135 мектептердің ғимараттары күрделі жөнделіп, сейсмикалық күшейтіледі. Мектепке дейінгі білім беру саласында ағымдағы жылы Мәуленов көшесіндегі ғимаратты сейсмикалық күшейте отырып күрделі жөндеу жоспарлануда, онда 145 орынға балабақша ашылады.
Сонымен қатар № 10, № 20, № 43 балабақшалар күрделі жөндеуден өтеді. Сондай-ақ, Тастақ шағын ауданындағы Тілендиев көшесіндегі қолданыстағы ғимараттар бұзылып, 300 орындық балабақша салынады.