58 жастағы Қорғаныс министрі отбасын көрсетті
Қазақстан Қорғаныс министрінің отбасы бар суреті желіде пайда болды, деп хабарлайды aqshamnews.kz
Отбасылық портрет Астанадағы фотостудиялардың бірінің Instagram аккаунтында жарияланған. Суретте генерал-полковник Руслан Жақсылықов, оның жұбайы, үлкен қызы және екі кішкентай ұлы бейнеленген.
Отбасы мүшелерінің барлығы арнайы форма киген, ал пиджактары төсбелгілермен безендірілген. Отбасылық фотосессия қазақстандықтардың көңілінен шықты.
Дегенмен, пікір білдірушілер арасында Қорғаныс министрі бұл «жарнамаға» келісімін берді ме деген сұрақ қойғандар да болды.
Фотостудия өкілдері клиенттердің рұқсатынсыз суреттер жарияланбайтынын айтты.
Айта кетейік, Руслан Жақсылықов 1966 жылы туған. Алматы облысының тумасы. Министр болып 2022 жылдың қаңтарында тағайындалған.