Қазақстан құрамасы Тәжікстандағы Grand Slam турнирін бір медальмен аяқтады, – деп хабарлайды aqshamnews.kz тілшісі.
Тәжікстанның Душанбе қаласында дзюдодан Grand Slam турнирі аяқталды.
Ұлттық құрама балуандары бұл байрақты бәсекеде бір қола медаль жеңіп алды.
60 келіге дейінгі салмақта Нұраділ Әлжан жеңіс тұғырының үшінші сатысына көтерілді.
Сондай-ақ Асқар Нарқұлов (81 келіге дейін) және Даниил Крылов (90 келіге дейін) қола жүлде үшін өткен белдесуде жеңіліп қалды. Осылайша қос балуан жарысты бесінші орынмен аяқтады.