Алматыда Ұлыстың ұлы күні – Наурыз мейрамына орай қоғамдық көліктер мерекелік нақышта безендірілді. 20 наурыз бен 22 сәуір аралығында қала көшелерімен ұлттық өрнектермен көмкерілген 90 автобус пен 10 троллейбус қатынайды. Бұл туралы Aqshamnews.kz сайты хабарлайды.
"Алматыэлектротранс" компаниясының мәліметінше, қоғамдық көліктерге қазақы ою-өрнектер, көктемгі жаңаруды бейнелейтін элементтер мен Наурыз мейрамының символикасы салынған. Безендіру жұмыстары көктемгі мерекенің ерекше рухын сезіндіруге және қала тұрғындары мен қонақтарына көтеріңкі көңіл-күй сыйлауға бағытталған.
Компания өкілдерінің айтуынша, бұл бастама Алматы қаласында жыл сайынғы дәстүрге айналып келеді. Мерекелік декорациялар қаланың көктемгі келбетін толықтырып қана қоймай, тұрғындардың ұлттық мерекеге деген сүйіспеншілігін арттыра түседі.
Наурыз мейрамы – табиғаттың жаңаруы мен халықтың бірлігін бейнелейтін ерекше мереке. Алматы көшелерінде сәнденген автобустар мен троллейбустардың қатынауы қала тұрғындары мен қонақтарына мерекелік көңіл-күй сыйлап, ұлыстың ұлы күнінің шынайы рухын сезінуге мүмкіндік береді