Қазақстандық мәнерлеп сырғанаушы, Италияда өткен Олимпиада ойындарының чемпионы Михаил Шайдоров ISU Skating Awards халықаралық сыйлығына үміткерлер қатарына енді, – деп хабарлайды aqshamnews.kz тілшісі.
Sports.kz басылымының мәліметінше, дауыс беру төрт аталым бойынша жүргізіледі: «Үздік костюм», «Ойын-сауық бағдарламасы», «Үздік хореограф» және «Үздік жаттықтырушы».
Италиядағы Олимпиада жеңімпазы Михаил Шайдоров 2026 жылғы Олимпиададағы еркін бағдарламадағы өнері үшін «Үздік костюм» номинациясына ұсынылған.
Басылымның жазуынша, қазіргі тізім – алдын ала лонг-лист. Жанкүйерлердің дауыс беруі 18 наурызға дейін жалғасады. Соның нәтижесінде әр номинацияда үш финалист анықталады. Ал жеңімпаздардың есімі 29 наурыз күні Прагада өтетін әлем чемпионаты аясындағы банкетте жарияланады.
Бұл аталымда Шайдоровтың қарсыластары қатарында америкалық Илья Малинин, эстониялық Александр Селевко, жапониялық Каори Сакамото және басқа да спортшылар бар.
